Нехта заходзіў у телеграм-акаўнт зніклай экс-спікеркі Каардынацыйнай рады
Анжаліка Мельнікава / Еўрарадыё
Нехта заходзіў у тэлеграм-акаўнт зніклай Анжалікі Мельнікавай. На гэта звярнуў увагу reform.news.
У профілі @Angie_Belarus, які зарэгістраваны на польскі нумар экс-спікеркі Каардынацыйнай Рады, змяніўся статус. Цяпер там пазначана "Быў(ла) нядаўна". То бок нехта залагініўся ў гэты акаўнт ад пары хвілін да пары дзён таму.
Спікерка Каардынацыйнай рады знікла пяць месяцаў таму. Паведамлялася, што перад знікненнем яна зняла каля 150 тысяч долараў з рахунку дабрачыннага фонду.
Журналісты высветлілі, што раней Мельнікава лятала на Шры-Ланку з каханкам, які аказаўся агентам спецслужбаў Беларусі Аляксеем Лабеевым і меў пашпарт прыкрыцця на іншае імя. Пасля Шры-Ланкі, як сцвярджалася, Мельнікава паляцела ў Дубай, там яе след згубіўся.
