На КДБ больш, на нацбяспеку — менш: як дзеляць бюджэтны пірог — эфір

Стаў вядомы праект бюджэту Беларусі на 2026 год. І тое, што практычна ўсе так званыя “сілавыя структуры” атрымаюць значна больш грошай на свае патрэбы, здзіўлення не выклікае. Бо на каго ж яшчэ разлічваць рэжыму ў сённяшняй сітуацыі, як не на КДБ, МУС, пракурату і суды — яны ўсе атрымаюць сумы, большыя за леташнія на 19-22%. Што дзіўна, на 202 мільёны рублёў менш выдаткоўваецца на нацыянальную бяспеку. Затое, калі верыць прагнозным паказчыкам эканамічнага развіцця, нас чакае рост ВУП і запавольванне інфляцыі. Ды яшчэ і дзеянне санкцый, уведзеных супраць Белавія і авіяпарка сям’і Лукашэнкі, ЗША прыпынілі.

Чым адметны праект бюджэту Беларусі на 2026 год і што чакае сацыяльныя сферы? Што насамрэч стаіць за заявамі пра “поўнае зняцце санкцый ЗША, накладзеных на Белавія” і ці адпавядае гэта рэчаіснасці? Якія страты нясе Беларусь ад закрыцця беларуска-літоўскай мяжы і што адбываецца на рынку працы? Гэтыя ды іншыя эканамічныя тэмы абмяркоўваем у жывым эфіры Еўрарадыё з эксперткай у сферы дзяржаўнага кіравання і міжнароднага развіцця, магістаркай эканомікі Алісай Рыжычэнка ў 15:00. Праграма выходзіць раз на два тыдні.