Мінчук плануе летам праехаць па Беларусі на ровары больш за 4 тысячы кіламетраў
Мінчук Іван Тужыкаў плануе летам праехаць па Беларусі на ровары больш за 4 тысячы кіламетраў. І зняць "серыял" пра архітэктурную спадчыну, якая імкліва знікае, а таксама пра турыстычны патэнцыял нашай краіны. Раварыст спадзяецца, што яго вялікае падарожжа зойме месяц-паўтара. За гэты час трэба наведаць больш за 450 кропак, адзначаных на карце.
Мінскае роварнае таварыства піша, да Івана Тужыкава можа далучыцца любы ахвотнік і на любым этапе яго маршруту. Для гэтага дастаткова яму напісаць у сацсетках.
