Мінчук адрэзаў сабе мезенец пасля таго, як яму адмовілі ў крэдыце
40-гадовы мінчук адрэзаў сабе мезенец пасля таго, як яму адмовілі ў крэдыце. Непрацоўны мужчына хацеў набыць смартфон і звярнуўся да кансультанта з просьбай аформіць растэрміноўку. Але дзяўчына знайшла ў мужчыны непагашаныя даўгі за карыстанне паслугамі сотавага аператара.
Мінчанін меў пры сабе грошы і пагасіў запазычанасць на месцы. Аднак служба бяспекі аператара сувязі ўсё адно не дала дабро на растэрміноўку.
Тады мужчына выйшаў з салона сувязі і пайшоў у аддзел з нажамі. Там выбраў куханны нож і распакаваў яго. Далей пачаўся трылер: мужчына паклаў левую руку на падлогу і ўдарыў нажом па мезенцу, падняў адрэзаную фалангу пальца і вярнуўся ў салон сувязі. Там ён кінуў палец у твар кансультанта, якая не аформіла яму тэлефон у крэдыт.
Сказаць, што наведнікі гіпермаркета былі ў шоку, — значыць нічога не сказаць. Перад дзвярыма салона засталіся плямы крыві.
Аператыўнікам, якія прыехалі на месца здарэння, мужчына растлумачыў, што так ён адпомсціў супрацоўніцы мабільнай кампаніі, якая прыняла аплату даўгоў, але “падманула яго”. Бо калі б ён загадзя ведаў, што не зможа аформіць новы крэдыт, не гасіў бы і стары.
Брыгада хуткай дапамогі, якая прыбыла на месца здарэння, выявіла, што мужчына быў пад наркотыкамі. Яго неадкладна даставілі ў лякарню.
Міліцыянты Фрунзенскага РУУС Мінска праводзяць праверку. Яны высветлілі, што ўлетку 2018 года мінчук вызваліўся з месцаў пазбаўлення волі, дзе адбываў пакаранне за незаконны абарот наркотыкаў. Раней ён неаднаразова прыцягваўся да крымінальнай адказнасці за крадзяжы.
