Мікалай Шарснёў пакідае пасаду старшыні федэрацыі футбола
Мікалай Шарснёў / АБФФ
Старшыня Беларускай федэрацыі футбола Мікалай Шарснёў падаў заяву пра датэрміновае спыненне сваіх абавязкаў.
Выканкам федэрацыі разгледзіць яго заяву бліжэйшымі днямі, паведамляе bel.football.
У новыя кіраўнікі арганізацыі прарочаць Яўгена Булойчыка. На цяперашні час ён з'яўляецца начальнікам Галоўнага ўпраўлення спорту і турызму Мінскага аблвыканкама.
Цяперашні кіраўнік АБФФ Мікалай Шарснёў атрымаў пасаду ва Упраўленні справамі Лукашэнкі. Федэрацыю футбола ён узначальваў з сакавіка 2023 года.
Да выбараў новага старшыні абавязкі кіраўніка АБФФ павінен выконваць яго першы намеснік.
