"Маліцеся": што гавораць мясцовыя ўлады пра выбухі пад Гомелем

— У Зябраўцы быццам шугала нешта, грукат нейкі моцны стаяў.

— Наогул у Зябраўцы аэрапорт ваенны, вы ж не ведаеце, можа, там вучэнні. І я не ведаю.

— Страшна жыць, разумееце.

— Ну што я магу вам сказаць, маліцеся. Я не магу даць ніякай інфармацыі, не магу нічым вам дапамагчы, на жаль.

"У нас тут усё ціха"

Далей тэлефануем у дзяжурную службу гомельскай міліцыі і кажам, што начамі немагчыма спаць праз выбухі.

— Без паняцця, мы не чулі нічога.

— Проста гэта кожную ноч амаль.

— У нас тут усё ціха.

— А хто мне можа гэта растлумачыць?

— Я не ведаю, калі б нешта было, мы б ведалі. У нас такіх звестак няма.

У Гомельскім райвыканкаме таксама расказваюць, што пра выбухі ў раёне Зябраўкі нічога не ведаюць.

— Я магу вам параіць звярнуцца ў аддзел унутраных спраў.

— Яны самі нічога не ведаюць.

— Ну, я таксама не магу пракаментаваць. Мне невядома пра выбухі.

У Зябраўскім сельсавеце таксама пра выбухі нібыта нічога не ведаюць.

Што за выбухі?

Уначы 27 лютага невядомы лятальны апарат упаў на гаспадарчую пабудову ў Гомельскім раёне і выбухнуў, піша выданне "Флагшток".

Упаў меркаваны БПЛА ў раёне вёскі Зябраўка.

Які канкрэтна гэта быў лятальны апарат, невядомай.