Лукашэнку павіншаваў прэзідэнт Грузіі Кавелашвілі
Міхаіл Кавелашвілі / MikheilKavelashviliOfficial / Facebook
Прэзідэнт Грузіі Міхаіл Кавелашвілі павіншаваў Аляксандра Лукашэнку з "абраннем" на пасаду прэзідэнта. Пра гэтае віншаванне паведамляе прэс-служба Лукашэнкі.
Кавелашвілі падзякаваў Лукашэнку за тое, што той павіншаваў яго з абраннем на пасаду прэзідэнта Грузіі. Ён выказаў надзею на развіццё адносін паміж Грузіяй і Беларуссю і заявіў, што асновай супрацы з'яўляецца ўзаемная павага суверэнітэту і тэрытарыяльнай цэласнасці.
"Узаемная павага суверэнітэту і тэрытарыяльнай цэласнасці з'яўляецца найважнейшым падмуркам нашага супрацоўніцтва і адносін паміж нашымі народамі. Спадзяюся, што грузінска-беларускія адносіны будуць развівацца на карысць нашых краін і народаў", — гаворыцца ў звароце.
Як паведамлялася раней, у верасні 2022 года Лукашэнка наведаў непрызнаную рэспубліку Абхазію — Грузія лічыць яе тэрыторыяй, акупаванай Расіяй. У 2023 годзе ў Мінску Лукашэнка сустракаўся з кіраўніком Абхазіі Асланам Бжаніяй.
