Крымінальную справу за "распальванне варожасці" распачалі супраць семінарыста
Мінскі Архікафедральны касцёл Імя Найсвяцейшай Панны Марыі / Planeta Belarus
Крымінальную справу распачалі супраць семінарыста, выкладчыка Катэхізіса Уладзіслава Беладзеда. Яго абвінавачваюць у "распальванні варожасці", піша "Медиазона" са спасылкай на ўласную крыніцу.
Сілавікі апублікавалі відэа, у якім Беладзед кажа, што работнікі Мінскага Архікафедральнага касцёла Імя Найсвяцейшай Панны Марыі падтрымалі пратэсты і хавалі пратэстоўцаў ад сілавікоў.
"Мы званілі ў званы, каб людзі ведалі, што ідуць супрацоўнікі міліцыі. Мы хавалі пратэстоўцаў і зачынялі дзверы перад супрацоўнікамі", — распавядае Беладзед.
Семінарыста некалькі разоў арыштоўвалі. Агулам ён правёў у ізалятары 45 дзён нібыта за "распаўсюд экстрэмісцкіх матэрыялаў".
Ператрус у мінскім Архікафедральным касцёле Імя Найсвяцейшай Панны Марыі прайшоў 18 ліпеня.
