Колькасць беларусаў у Літве за год скарацілася на 9 тысяч

Колькасць беларусаў з дазволам на жыхарства (ДНЖ) у Літве за год істотна скарацілася і працягваецца змяншацца.

Максімальная колькасць беларусаў з дзейнsм ДНЖ у Літве была год таму. Паводле афіцыйнай статыстыкі, па стане на 1 красавіка 2025 года ў Літве засталося 53 739 грамадзян Беларусі з дзейнымі ДНЖ. Гэта на 3772 чалавекі менш, чым было на пачатку года, адзначае "Наша Ніва".

Па стане на 1 красавіка 2024 года калі ДНЖ у Літве мелі 62 844 беларусы. За год іх колькасць скарацілася на 9105 чалавек, ці амаль 15%.

Тым часам парламентарыі з ліку кансерватараў (Лаўрынас Кашчунас, Аўдронюс Ажубаліс і Валдас Ракуціс) у сакавіку зарэгістравалі прапанову ануляваць выдадзеныя беларусам ДНЖ, калі яны ездзілі на радзіму часцей, чым раз на тры месяцы. Гэтыя прапановы былі падтрыманыя прадстаўнікамі прэзідэнцкай адміністрацыі і Дэпартамента дзяржбяспекі Літвы, але былі ракскрытыкаваныя бізнес-арганізацыямі.

У транспартных кампаніях Літвы, кажа гендырэктар Міжнароднага транспартна-лагістычнага альянсу Повілас Дрыжас, працуюць каля 36 тысяч беларусаў. А пасля ўвядзення санкцый іх колькасць пачала змяншацца.