Кліенты банка, які трапіў у апошні пакет санкцый ЕС, паведамляюць аб праблемах
Альфа Банк, ілюстрацыйнае фота
Пра збоі пры дадаванні картак у Apple Pay заяўляюць кліенты Альфа Банка. Гэтая беларуская "дачка" расійскага банка нядаўна трапіла ў "чорны спіс" Еўрасаюза — у 19-м пакеце санкцый.
У банку раяць не выдаляць ужо падлучаныя карткі, каб працягваць аплаты праз сэрвіс. Калі новую картку дадаць у Apple Pay не атрымліваецца, у банку рэкамендуюць карыстацца пластыкавымі картамі, якія працуюць як звычайна.
Акрамя таго ў Альфа Банку заявілі, што падрыхтавалі рашэнні на выпадак збояў праз санкцыі.
