Хакеісты "Юнацтва" зраўнялі лік у фінале беларускай экстралігі
"Юнацтва" выйграла ў "Віцебска" / НАК Беларусі
У другім матчы фінальнай серыі беларускай хакейнай экстралігі спартоўцы "Юнацтва" адолелі сапернікаў з "Віцебска" і зраўнялі лік.
Гульня прайшла 11 красавіка на "Чыжоўка-Арэне". Мінскі клуб выйграў з лікам 3:1. Дзве шайбы — на рахунку форварда "Юнацтва" Паўла Кулікова.
Два дні таму "Юнацтва" прайграла "Віцебску" з лікам 2:4, цяпер лік у серыі зраўняўся — 1:1. Трэці матч у серыі пройдзе ў Віцебску 13 красавіка.
Процістаянне працягнецца да чатырох перамог.
