Другі блок БелАЭС гатовы на 87% — запуск запланаваны на пачатак 2022 года
БелАЭС / Еўрарадыё
Гатоўнасць другога блока АЭС у Астраўцы складае 87%, што адпавядае графіку работ.
Пра гэта паведаміў кіраўнік Расатама Аляксей Ліхачоў, які ў чацвер наведаў будаўнічую пляцоўку энергаблока № 2 БелАЭС з рабочым візітам.
Неўзабаве на пляцоўцы павінен скончыцца працэс "гарачай" абкаткі рэактара. Гэта неабходна зрабіць для таго, каб пацвердзіць гатоўнасць абсталявання і сістэм энергаблока да фізічнага пуску.
Увод у эксплуатацыю другога блока запланаваны на першае паўгоддзе 2022 года.
