Чарга на мяжы з Польшчай стала меншай

Чарга на выезд у Польшчу скарацілася на другі дзень пасля таго, як Варшава аднавіла працу закрытых 12 верасня пунктаў пропуску на мяжы з Беларуссю, піша "Зеркало" са спасылкай на маніторынг Дзяржпамежкамітэта.

Выезду з Беларусі чакаюць 2395 легкавых аўтамабіляў і пяць аўтобусаў. Гэта больш чым на 500 легкавых аўтамабіляў і 40 аўтобусаў меней, чым днём раней.

У грузавым аўтамабільным пункце пропуску "Казловічы" стаіць 620 фур. Суткі таму іх было 990.

На літоўскім напрамку чакаюць 160 легкавушак (130 — у "Беняконях" і 30 — у "Каменным Лозе"). Чэргаў з аўтобусаў няма.

На латвійскай мяжы чэргаў няма.