Цана на прыродны газ у Еўропе перавысіла 2000 долараў за 1000 кубаметраў
У Еўропе цана на прыродны газ упершыню перавысіла рысу ў 2000 долараў за 1000 кубаметраў, сведчаць звесткі лонданскай біржы ICE.
Паводле інфармацыі на 15:08 паводле мінскага часу кошт тысячы кубаметраў газу складаў 2067 долараў, паведамляе РБК.
Папярэдні рэкорд у 1900 долараў за 1 тысячу кубаметраў быў зафіксаваны 6 кастрычніка. Каб цана ўзнялася яшчэ на 100 долараў, спатрэбілася паўтара месяца.
