Больш за 150 чалавек звярнуліся ў BySOL пасля ўзлому бота "Беларускага Гаюна"
Сілавікі заяўлялі, што затрымалі беларуса, які адпраўляў у бот інфармацыю / Telegram
Больш за 150 чалавек звярнуліся на гарачую лінію BySOL за апошнія чатыры дні пасля таго, як у рукі сілавікоў трапіла база маніторынгавай групы "Беларускі гаюн".
"Даем кансультацыі, перанакіроўваем на партнёраў, адпраўляем на эвакуацыю пры пільнай патрэбе", — расказаў кіраўнік BySOL Андрэй Стрыжак.
Раней сілавікі казалі пра затрыманне беларуса, які адпраўляў інфармацыю "гаюну". Але праверыць гэта немагчыма, і напраўду затрыманы можа не мець да маніторынгавай групы ніякага дачынення.
Нагадаем, што 5 лютага стала вядома пра ўзлом бота тг-канала "Беларускі Гаюн", які адсочвае ваенную актыўнасць беларускіх і расійскіх войскаў. 7 лютага "Беларускі Гаюн" аб'явіў, што спыняе сваю працу.
