Беспілотнік скінуў слоік з фарбай на амбасаду Расіі ў Швецыі
Амбасада Расіі ў Швецыі. / СМІ
Невядомыя атакавалі амбасаду Расіі ў Швецыі пры дапамозе беспілотніка. Ён скінуў ля ўваходу ў будынак шкляны слоік з фарбай.
"Напад" адбыўся 25 траўня каля 03:40 раніцы. Праляцеўшы над тэрыторыяй амбасады, дрон скінуў фарбу на пляцоўку перад галоўным уваходам.
Падобныя інцыдэнты адбываюцца рэгулярна — гэта ўжо дзявяты або дзясяты выпадак. Дыпламаты атрымліваюць "пасылкі" з фарбай ужо больш за год. Шведская паліцыя пакуль што не можа злавіць хуліганаў.
