"Белмытсэрвіс" акумуляваў пастаўкі ў Афрыку, Азію, Лацінскую Амерыку

Дзяржаўная кампанія "Белмытсэрвіс" да 1 чэрвеня будзе галоўным аператарам экспарту прадукцыі ў краіны Афрыкі, Лацінскай Амерыкі, Паўднёва-Усходняй Азіі і Блізкага Усходу. Гэта замацавана ўрадавай пастановай.

Сама кампанія знаходзіцца пад заходнімі санкцыямі.

"Белмытсэрвіс", як вызначаецца ў пастанове ўрада, будзе адказваць за збор заявак на перавозку і каардынаваць дастаўку грузаў да марскіх партоў і чыгуначных станцый, адкуль яны будуць далей адпраўляцца ў краіны так званай "далёкай дугі".

Менавіта з гэтай кампанія абавязаныя супрацоўнічаць такія міністэрствы і прамысловыя канцэрны, як Мінпрам, Мінлясгас, Мінсельгасхарч, "Беллеспаперапрам", "Белнафтахім", "Белдзяржхарчпрам", "Беллегпрам" і аблвыканкамы. Падпарадкаваныя ім камерцыйныя арганізацыі будуць павінны заключаць дамовы на лагістыку з "Белмытсэрвісам" і аплочваць паслугі са сваёй кішэні.

"Беларускую калійную кампанію", якая займаецца экспартам калійных угнаенняў, супрацоўнічаць з "Белмытсэрвісам" не абавязалі, але "рэкамендавалі".