Беларусы, якія ваююць на баку Расіі, усё часцей трапляюць ва ўкраінскі палон
Вайна ва Украіне / ria.ru
Беларусы, якія ваююць на баку Расіі, усё часцей трапляюць ва ўкраінскі палон. На гэта звярнуў увагу дэпутат Вярхоўнай Рады Украіны Аляксей Ганчарэнка. Ён не мае агульнай статыстыкі, але ведае з крыніц у спецыяльных службах, што "найчасцей гэта адбываецца на Данбасе — у баях у Данецкай і Луганскай абласцях", паведамляе Радыё Свабода.
Раней Ганчарэнка паведамляў, што сярод палонных ёсць "дастаткова блізкія да Лукашэнкі і ягонай сістэмы людзі", якія "ўжо пачалі даваць паказанні пра ўсё тое, што адбываецца ў Беларусі". Такія сведчанні, як мяркуе дэпутат, могуць быць уключаныя ў матэрыялы будучага трыбуналу над Аляксандрам Лукашэнкам.
