"Беларускі Гаюн" аб'явіў, што спыняе сваю працу
Маніторынгавы праект дзейнічаў з пачатку 2022 года / Telegram
"Беларускі Гаюн" аб'явіў, што спыняе сваю працу. Прычына стваральнікамі не называецца, але яна відавочная — нядаўні скандал з узломам чат-бота сілавікамі з Беларусі.
Маніторынгавы праект дзейнічаў з пачатку 2022 года. Ён адсочваў ваенную актыўнасць беларускіх і расійскіх войскаў у РБ, пісаў пра шахеды, якія заляталі ў РБ. Праект называлі "вельмі важным", на яго спасылаліся ўкраінскія СМІ.
6 лютага, калі стала вядома пра ўзлом, яго стваральнікі папярэдзілі сваіх інфарматараў у РБ, што яны пад пагрозай. Па адной з версій, сілавікі маглі атрымаць доступ пасля затрыманняў актывістаў у Беларусі.
BYSOL паведамляў, што за суткі звярнуліся па кансультацыі і дапамогу 50 чалавек, якія дасылалі інфармацыю для "Беларускага Гаюна". Сілавікі пішуць, што ўжо пачалі затрыманні.
У пятніцу ў тг-канале, звязаным з сілавікамі, з'явілася паведамленне, што караць звязаных з "Беларускім Гаюном" (у выпадку іх затрымання) будуць мягчэй, калі праект закрыецца.
