Беларус вёз кантрабандай больш за 65 тысяч манет

65,5 тыс. манет спрабаваў правезці з Польшчы 37-гадовы грамадзянін Беларусі.

Як паведамляюць у Мытным камітэце, мужчына ехаў праз мяжу на грузавіку VOLVO праз пункт пропуску "Казловічы". Кантрабандны груз ён схаваў у задняй частцы грузавога адсека паўпрычэпа. Аднак іх выявілі брэсцкія мытнікі з ужываннем стацыянарнага інспекцыйна-надгляднага комплексу.

Манет былі розных наміналаў, гадоў выпуску і краін. Іх агульны кошт склаў больш за 60 тысяч рублёў.

На кіроўцу склалі адміністрацыйны пратакол. Яму пагражае штраф да 1260 рублёў (30 базавых) з магчымай канфіскацыяй утоеных тавараў.