"Бегавога мастака" Вадзіма Сіманава эвакуявалі з Мінска

З Мінска эвакуявалі "бегавога мастака" Вадзіма Сіманава, паведаміў Андрэй Стрыжак. 

Хлопцу, які ў трэкеры намаляваў герб Украіны і радок з песні "Ой у лузі червона калина", затэлефанаваў участковы. Сіманава "запрасілі на размову". Звычайна ў Беларусі пасля такіх размоваў людзі з міліцыі не выходзяць, а як мінімум адпраўляюцца на "суткі".

"Каб эвакуявацца, у мяне было 10 хвілін. Захапіў толькі заплечнік, а ў ім бегавыя красоўкі. Дарэчы, сёння па прыездзе ў новы горад я ўжо прабег 10 км і напісаў "ЖЫВЕ", — распавядае Вадзім.