Аўтамабіль знёс агароджу Грамадска-палітычнага цэнтра ў Гомелі (фота)

У Гомелі на вуліцы Палескай адбылося ДТЗ каля вядомага Грамадска-палітычнага цэнтра. Як паведамляе odsgomel.org, машына на вялікай хуткасці выязджала з моста і ўрэзалася ў цагляную агароджу. Аўтамабіль атрымаў механічныя пашкоджанні.

Як удакладняе БелаПАН, дом належыць Зінаідзе Шумілінай. У ім арандуюць памяшканні некалькі НДА, палітычныя партыі ды рухі. Здарэнне зафіксавала камера відэаназірання, усталяваная на доме. На запісе відаць, як з моста на вялікай хуткасці рухаецца "Таёта", потым аўтамабіль заносіць, разварочвае, і ён ўразаецца ў браму. Ад удару браму цалкам знесла, як і частку цаглянай агароджы.

З аўтамабіля выйшаў кіроўца, у яго была пашкоджаная галава. На месца ДТЗ прыбылі хуткая дапамога і супрацоўнікі ДАІ.

Фота: odsgomel.org