Associated Press апублікавала фотарэпартаж пра беларускі полк "Пагоня"

Associated Press апублікавала фотарэпартаж пра беларускі полк "Пагоня", які фармуецца для абароны Украіны. Журналісты пабывалі на адной з трэніровак добраахвотнікаў. Сюжэт выйшаў і на Euronews.

АР адзначае, што беларусаў аб'яднала "рашучасць супрацьстаяць Лукашэнку, змагаючыся супраць расійскіх войскаў ва Украіне". Згадваецца, што брат аднаго з добраахвотнікаў быў забіты сілавікамі ў Беларусі.

Найбольш вядомай беларускай вайсковай адзінкай ва Украіне застаецца полк імя Кастуся Каліноўскага (былы батальён). Некаторыя яго падраздзяленні знаходзяцца на фронце, ёсць трое загінулых.