Адміністрацыя Трампа скасавала 5800 кантрактаў USAID
USAID
Адміністрацыя Трампа скасавала 5800 кантрактаў USAID. Яны датычыліся праграмаў барацьбы з ВІЧ, малярыяй, недаяданнем і поліяміелітам ва ўсім свеце. Пра гэта піша New York Times.
Дырэктар Цэнтра афрыканскіх даследаванняў Кэтрын Кебутунгі адзначае, што праз гэтыя скарачэнні загіне шмат людзей. Але падлічыць іх будзе немагчыма, бо скарочаныя нават праграмы падліку памерлых.
Магчымыя і іншыя наступствы. Праграмы, якія падтрымлівала USAID, дазвалялі стрымліваць хваробы ў межах рэгіёнаў, для якіх яны ўласцівыя. Цяпер жа бар'еры, якія не дазвалялі ім распаўсюджвацца шырэй, будуць знікаць.
