Абвінавачанне гне сваю лінію — "змова ў складзе групы асоб"
У судовым паседжанні па справе Аляксандра Атрошчанкава, Змітра Новіка і Аляксандра Малчанава абвешчаны перапынак да 10.00 2 сакавіка.
Нягледзячы на абнародаваныя сёння ў судзе Фрунзенскага раёна матэрыялы і паказанні, дзяржабвінавачанне не адмаўляецца ад абранай лініі. Яна палягае ў тым, што ўсе трое ўдзельнікаў "масавых беспарадкаў" дзейнічалі "ўзгоднена паводле папярэдняй змовы ў складзе групы асоб". Пра тое, што абвінавачанне працягне прытрымлівацца гэтай версіі, паведаміла сёння БЕЛТА дзяржаўны абвінаваўца Таццяна Моладцава.
Між тым, абвінавачаныя адмаўляюць не толькі факт "змовы", але і асабістае знаёмства.
