Беларуска заняла 3-е месца на спаборніцтвах у Польшчы па стрытліфтынгу
Трэніроўка Камілы Ляўчук / mostmedia.io
17-гадовая беларуска заняла трэцяе месца на спаборніцтвах у Польшчы па стрытліфтынгу. Каміла Ляўчук з'ехала з Беларусі разам з бацькамі пасля падзей 2020-га, ужо тры гады жыве ў Беластоку, актыўна займаецца спортам, піша mostmedia.io.
Каміла Ляўчук нарадзілася ў Брэсце. З 6 гадоў займалася плаваннем. Працягвала заняткі і пасля пераезду ў Польшчу. Паралельна стала займацца сілавымі трэніроўкамі. Пасля траўмы рукі сканцэнтравалася менавіта на іх (дарэчы, яны дапамаглі аднавіцца).
У стрытліфтынгу трэба адціскацца на брусах і падцягвацца з дадатковай вагай у 40 і 35 кілаграмаў. У Польшчы гэты спорт развіваецца і толькі набірае папулярнасць сярод дзяўчат, кажа беларуска.
Каміла дэбютавала на спаборніцтвах у Польшчы ў 2024 годзе. Сёлета вясной пройдзе першынство краіны па стрытліфтынгу, і Ляўчук спадзяецца заваяваць медаль. "У будучыні мне хацелася б выйсці і на міжнародную арэну і паставіць які-небудзь рэкорд", — кажа яна.
