14 снежня абвесцяць прысуд па "справе Ціханоўскага"

14 снежня ў Гомелі абвесцяць прысуд Сяргею Ціханоўскаму, Мікалаю Статкевічу, Ігару Лосіку, Арцёму Сакаву, Уладзіміру Цыгановічу і Дзмітрыю Папову.

Суд над імі пачаўся 24 чэрвеня. Працэс праходзіў у закрытым рэжыме ў Гомельскім СІЗА. Адвакаты ўсіх падсудных далі падпіску аб неразгалошванні, таму невядома, якое пакаранне запрасіў пракурор для кожнага з абвінавачаных. 

Палітвязням пагражае ад 12 да 15 гадоў турмы. Як вынікае з іх лістоў, пракуратура просіць вялікія або максімальныя тэрміны. 

Усе вязні знаходзяцца за кратамі ўжо каля паўтара года.