Затрыманы аўтар "гімна Усебеларускага народнага сходу" Анатоль Чэпікаў
Анатоль Чэпікаў / Фота з яго старонкі ў Instagram
Дырэктара Палаца культура МАЗа Анатоля Чэпікава затрымалі па падазрэнні ў карупцыі. Чэпікаў вядомы таксама як прадзюсар, кампазітар і аўтар "гімна Усебеларускага народнага сходу".
Пра яго затрыманне выданне "Зеркало" даведалася ад уласных крыніц. У самім Палацы культуры сказалі, што мужчына "часова не працуе", і патлумачылі гэта форс-мажорнымі абставінамі.
Затрыманне, як піша "Зеркало", адбылося каля месяца таму. Прэтэнзіі сілавікоў узніклі да Чэпікава ў сувязі з яго дзейнасцю як дырэктара Палаца культуры. Дарэчы, на сайце ўстановы ён дагэтуль пазначаны як дырэктар.
Мабільны нумар Чэпікава недаступны, у вайбер-акаўнце, звязаным з нумарам, ён апошні раз з'яўляўся анлайн 12 лютага 2025 года.
Анатоль Чэпікаў таксама з'яўляецца прадзюсарам гурт "PROвокация". Гэта дуэт Арцёма Саладухі (не сваяк вядомага спевака) і Марка Войткі. Музыкі актыўна ўдзельнічалі ў прапагандысцкай акцыі "Марафон адзінства" перад "выбарамі" 2025 года.
Таксама Чэпікаў піша музыку. Яго песні спяваюць Аляксей Хлястоў, Анатоль Дзянісаў, Аляксандр Саладуха, Жанет, Вікторыя Алешка ды іншыя беларускія выканаўцы, лаяльныя да ўлады. Ён жа з'яўляецца аўтарам гімна акцыі БРСМ "Беларусь памятае" і гімн пятага Усебеларускага народнага сходу "Беларусь".
