Якія ваенныя грузы з Беларусі едуць у Расію

Атрымальнікамі сталі вядучыя расійскія абаронныя прадпрыемствы — "Абухоўскі завод", "Алмаз-Антэй", "Купал", "Тытан-Барыкады" і іншыя.

Беларускае прадпрыемства з Мікашэвіч "Спецжалезабетон" працягвае адгружаць жалезабетонныя шпалы для стрэлачных пераводаў. Толькі за першы квартал 2025 года ў адрас аб'ектаў Мінабароны Расіі адпраўлена 89 паўвагонаў з больш чым 5,5 тыс. тон прадукцыі.

Сярод атрымальнікаў — стратэгічна важныя ваенныя аб'екты, уключаючы Плясецкі касмадром, палігоны РВСН, базы ядзернага захоўвання 12-га Галоўнага ўпраўлення Мінабароны РФ, лагістычныя цэнтры ВМФ і ВКС.

Некаторыя пастаўкі прызначаліся для аб'ектаў у Крыме і Калінінградскай вобласці, уключаючы Балтыйскі флот і Чарнаморскі флот.

Пры гэтым "Супольнасць чыгуначнікаў" адзначае, што ў першым квартале 2025 года не зафіксавана паставак зброі ці боепрыпасаў.