"Я 5 гадоў знаходзіўся адзін у маленькай камеры": Ціханоўскі пра ізаляцыю

Сяргей Ціханоўскі распавёў пра ізаляцыю, у якой правёў 5 гадоў жыцця. Паводле яго словаў, увесь гэты час ён знаходзіўся ў камеры адзін. Часам гэта была зусім маленькая камера, часам — камера плошчай у 18 квадратных метраў. Але ў яго ніколі не было суседзяў.

"Крыху менш за 3 гады мне не перадавалі нават лістоў, і мае лісты не даходзілі", — распавёў журналістам Ціханоўскі.

Ён узгадаў папулярны фільм "Назад у будучыню", каб патлумачыць, як адчувае сябе.

"Гэта нібы паралельная галіна часу. Я жыў у паралельнай рэальнасці", — кажа Ціханоўскі.

Ціханоўскі падкрэсліў, што лідарам беларускіх апазіцыйных сіл вызнае сваю жонку, Святлану Ціханоўскую.

"Ці вы лічыце, што лідарам з'яўляецца той, хто 5 гадоў правёў у ізаляцыі? Дык у нас тысячы такіх лідараў", — кажа Ціханоўскі.