Ва ўласным бары ў Варшаве загінуў беларус

У Варшаве загінуў уладальнік паба 46-гадовы беларус Аляксандр Д., піша se.pl.

Інцыдэнт адбыўся 5 студзеня. Мужчына спускаўся ў падвал і зваліўся на лесвіцы. Яго цела знайшоў кліент і выклікаў хуткую.

У каментары журналістам пракурор акруговай пракуратуры Варшавы Шымон Банна заявіў, што цела загінулага накіравалі на ўскрыццё. Пасля перадачы матэрыялаў з паліцыі пракуратура пачне расследаванне.

Паведамляе, што здарэнне адбылося па адрасе вуліца Вольская, 89. Там, як удакладняе reform.by, размяшчаецца бар Beczka Chmielu. Яго саўладальнікам быў Аляксандр Дагіль.