У Турцыі сутыкнуліся паветраныя шары з турыстамі, адзін чалавек загінуў
Яшчэ 24 чалавекі параненыя, іх прывезлі ў бліжэйшую лякарню.
Вядома, што загінулы — грамадзянін Бразіліі.
Здарэнне адбылося ў панядзелак у турэцкай правінцыі Кападокія. Пасля сутыкнення паветраных шароў, адзін з іх упаў на зямлю. Дакладна пакуль вядома, што сярод параненых ёсць адзін іспанец.
Апошні інцыдэнт з паветраным шарам адбыўся ў лютым сёлета ў Егіпце. Тады на вышыні 300 метраў загарэўся шар з турыстамі і ўпаў на зямлю (гл. відэа), загінулі 18 чалавек.
Фота — ria.ru
