У сераду ў Беларусі прагназуюць навальніцы

У сераду, 23 красавіка, у Беларусі чакаецца пераменная воблачнасць, паведамляе Белгідрамет.

Уначы месцамі, а зранку і ўдзень на большай частцы тэрыторыі краіны пройдуць кароткачасовыя дажджы, месцамі прагрымяць навальніцы. Вецер прагназуюць паўднёвы з пераходам на паўночна-заходні ўмераны, пры навальніцах — парывісты. Сіноптыкі абвясцілі жоўты ўзровень небяспекі.

Тэрмометры ўначы пакажуць 8-14 градусаў вышэй за нуль, месцамі чакаецца 4-7 цяпла. Удзень паветра прагрэецца ад +18 па паўночным захадзе да +29 градусаў па паўднёвым усходзе краіны.

У чацвер, 24 красавіка, будз воблачна з праясненнямі, месцамі пройдуць кароткачасовыя дажджы з навальніцамі. Тэмпература паветра ўдзень складзе ад +15 па поўначы да +25 градусаў па паўднёвым усходзе Беларусі.