У Мінску — Дзень горада. Як ходзіць транспарт?
Мінскі аўтобус / minsktrans.by
13 верасня мінчане адзначаюць Дзень горада. У сувязі з гэтым у сталіцы змяніўся расклад руху транспарту. Калі вы не паспелі выехаць за горад, дык вось вам падказка, як не захрэснуць дзе-небудзь па дарозе з-за дзяржаўных урачыстасцяў.
Асноўныя змены закранулі працу метро і наземныя маршруты, якія праходзяць праз лакацыі ключавых мерапрыемстваў.
Як будзе курсіраваць метро?
Да палуначы 13 верасня інтэрвалы руху цягнікоў будуць скарочаныя:
на Маскоўскай і Аўтазаводскай лініях яны складуць пяць хвілін;
на Зеленалужскай лініі — сем хвілін.
А што з аўтобусамі, тралейбусамі і трамваямі?
Час працы 39 гарадскіх маршрутаў будзе працягнуты да 1.30 14 верасня.
Гэтыя змены закрануць:
аўтобусы: №1, 22, 26, 29, 38, 42, 44, 54, 69, 71, 74С, 112С, 115Э, 135, 139, 140, 147, 159;
тралейбусы: №1, 20, 22, 27, 53, 60;
трамваі: №4 і 6.
Таксама павялічана колькасць рухомага саставу на аўтобусных маршрутах № 1 і 100, а пасля салюту будзе хадзіць дадатковы транспарт.
Увага: у сувязі з правядзеннем мерапрыемстваў на пляцоўцы каля Палаца спорту да 24:00 транспарт на прыпынку "Палац спорту" не спыняецца.
