У Мазыры загінуў 4-гадовы хлопчык
Маці спала, а дзіця адкрыла акно (ілюстрацыйнае фота) / sb.by
У Мазыры загінуў 4-гадовы хлопчык. Ён выпаў з акна дзевятага паверха.
Як паведамляе Следчы камітэт, трагічнае здарэнне адбылося ўвечары 4 сакавіка. Маці заснула, а дзіця адкрыла акно. Ад атрыманых траўмаў хлопчык памёр. Яго адсутнасць у кватэры заўважыў старэйшы брат, ён разбудзіў маці.
На месцы здарэння працавала следча-аператыўная група. СК высвятляе ўсе абставіны здарэння.
Такія выпадкі, на жаль, нярэдкія. У Мінску ў лютым з акна 15-га паверха выпаў паўтарагадовы хлопчык. Ад атрыманых траўмаў ён загінуў. Маці на кароткі час выйшла ў суседні пакой, у гэты момант дзіця залезла на падаконнік і адкрыла акно.
