У Магілёве ў прыватным доме забілі сямейную пару
У Магілёве Следчы камітэт расследуе забойства сямейнай пары: мужу было 44 гады, жонцы — 33. Іх целы з колата-рэзанымі раненнямі сваякі знайшлі ў адным з прыватных дамоў у абласным цэнтры.
Следчыя разам з супрацоўнікамі органаў унутраных спраў, спецыялістамі Дзяржаўнага камітэта судмедэкспертыз правялі пільны агляд месца злачынства, дэталёва абследавалі тэрыторыю, зафіксавалі выяўленыя сляды, забралі рэчавыя доказы. Праваахоўнікі выявілі меркаваную прыладу злачынства — нож.
Следчы камітэт пачаў крымінальную справу за забойства. Следства разглядае ўсе версіі здарэння.
У загінулых магілёўцаў засталася непаўналетняя дачка, з ёй зараз працуюць псіхолагі.
