У Кіеве закрылася амбасада ЗША. Што здарылася?
Кіеў / unsplash.com
Злучаныя Штаты заклікаюць сваіх грамадзян, якія знаходзяцца ва Украіне, праявіць максімальную асцярожнасць. Існуе рызыка таго, што 20 лістапада ў горадзе адбудзецца буйная паветраная атака з боку Расіі.
Праз гэтую прычыну і па меркаваннях бяспекі амбасада ЗША ў Кіеве будзе закрытая. Пра гэта гаворыцца ў паведамленні на сайце амбасады.
Дыпламаты раяць амерыканцам сачыць за аб'явамі і загадзя высветліць, дзе ёсць бліжэйшыя хованкі.
Папярэджанне наконт абстрэлаў 20 лістапада тычыцца не толькі Кіева, але і ўсёй тэрыторыі краіны.
Нагадаем, што 19 лістапада з'явілася інфармацыя пра першую атаку амерыканскімі ракетамі ATACMS па тэрыторыі Расіі. Гэта адбылося пасля адпаведнага дазволу ЗША.
