У Брэсце п'яны падлетак спрабаваў уцячы ад ДАІ і пашкодзіў 14 аўтамабіляў
Разбітыя машыны / ДАІ
9 лютага каля 3 гадзін ночы супрацоўнікі ДАІ паспрабавалі спыніць Chrysler на вуліцы Набярэжнай Францыска Скарыны ў Брэсце. Але кіроўца іх патрабаванні праігнараваў.
Пачаўся пераслед. Спрабуючы ўцячы, парушальнік пашкодзіў 14 аўтамабіляў, прыпаркаваных уздоўж вуліцы. У рэшце рэшт ён заехаў у двор, выскачыў з разбітай машыны і пачаў уцякаць. Але яго дагналі і затрымалі.
Аўтамабілем кіраваў 16-гадовы "бяспраўнік". Медыцынскі агляд паказаў, што ён быў нападпітку — у крыві было 1,4 праміле.
На маладога чалавека складзена 14 адміністрацыйных пратаколаў. А машына, ключы ад якой ён узяў, калі дома нікога не было, цяпер стаіць на штрафстаянцы.
