У Беларусі пачалі збіраць бярозавік. За колькі яго можна купіць

Першымі ў гэтым сезоне нарыхтоўку бярозавіку пачалі лясгасы Гродзенскай вобласці. У найбліжэйшы час яна зробіцца масавай. 

Як адзначылі ў Мінлясгасе, будучага пахаладання баяцца не варта. Яно, наадварот, павінна падоўжыць сезон збору соку.

Якія цэны?

Арыентыровачна літр бярозавіку ў Гродзенскай вобласці абыдзецца ад 0,27 да 0,36 капейкі. Таксама можна будзе купіць сок у тары аб'ёмам 5 літраў за 4 руб і 10 літраў за 8 рублёў.

Пра цэны на бярозавік у Мінску і Мінскай вобласці пакуль невядома. Летась яго пачалі прадаваць 21 сакавіка.

Ці можна збіраць сок самастойна?

Беларусы могуць самастойна і бясплатна збіраць бярозавік. Аднак займацца нарыхтоўкай можна толькі на спецыяльна адведзеных для гэтага участках, якія вызначаюцца лясгасамі.

Для атрымання дазволу неабходна звярнуцца ў найбліжэйшае лясніцтва па месцы пражывання. Там вам вылучаць прыдатны ўчастак і правядуць інструктаж па правілах збору.

За збор соку ў недазволеных месцах можа пагражаць штраф да 20 базавых велічыняў.