У Беларусі арыштавалі маёмасць сям'і былой палітзняволенай Антаніны Канавалавай
Антаніна Канавалава / Кадр з відэа
У Беларусі арыштавалі маёмасць сям'і былой палітзняволенай Антаніны Канавалавай. Пра гэта яна распавяла ў эфіры "Обычного утра".
Канавалава выйшла на волю ў снежні 2024-га, а сёлета ў сакавіку здолела выехаць за мяжу, дзе сустрэлася з сваімі дзецьмі. Маёмасць арыштавалі пасля яе выезду.
Антаніна Канавалава была даверанай асобай Святланы Ціханоўскай у 2020 годзе. У верасні 2020-га трапіла за краты, яе абвінавацілі паводле арт. 293 КК ("масавыя беспарадкі"). У траўні 2021-га Канавалавай прысудзілі пяць з паловай гадоў калоніі агульнага рэжыму. У жанчыны двое маленькіх дзяцей. Яе маці пасля арышту дачкі разам з унукамі была вымушаная пакінуць Беларусь.
Муж Антаніны Канавалавай Сяргей Ярашэвіч быў асуджаны на шэсць гадоў і тры месяцы калоніі. Сяргей Канавалаў, бацька жанчыны, унесены КДБ у "тэрарыстычны спіс", у яго доме правялі ператрус "з нагоды яго падазрэння ў тэрарызме ў Баранавічах".
