“Тарпеда-БелАЗ” вырвала перамогу ў БАТЭ, “Славія” перамагла “Нёман”
Клуб з Жодзіна спыняе трохматчавую серыю без перамог / fcbate.by
31 мая працягнуўся 11-ы тур чэмпіянату Беларусі па футболе. У Жодзіне мясцовае “Тарпеда-БелАЗ” толькі на апошніх дададзеных хвілінах змагло вырваць перамогу ў БАТЭ — 3:2.
“Аўтазаводцы” вялі па ходзе гульні з лікам 2:0, але барысаўчане змаглі адыграцца. На апошніх хвілінах суддзя прызначыў пенальці ў вароты БАТЭ, якое паспяхова рэалізавалі жодзінцы.
Каманда Дзмітрыя Молаша перапыняе серыю з трох гульняў без перамог.
У Гродне “Славія” дала бой “Нёману” і перамагла з лікам 2:1.
Варта адзначыць, што суддзя выдаліў трэнера мазыран Івана Біёнчыка.
У сталіцы мінскае “Дынама” з мінімальным лікам перамагло “Нафтан” — 1:0.
У Віцебску прайшло першае за 30 гадоў дэрбі, у якім “МЛ Віцебск” перамог “Віцебск” з лікам 2:0.
“Букмекеры” працягваюць сенсацыйна лідзіраваць у чэмпіянаце пасля 11 тураў.
1 чэрвеня тур завершыцца трыма матчамі:
“Слуцк” — “Гомель”
“Смаргонь” — “Мінск”
“Арсенал” — “Маладзечна”
