Святлана Ціханоўская запрасіла беларусак на жаночы сняданак

Святлана Ціханоўская зладзіла ў Варшаве жаночы сняданак. На яго прыйшлі беларускі, якія ўдзельнічаюць у грамадска-палітычным жыцці дыяспары.

“Хачу, каб беларускія жанчыны адчувалі сябе абароненымі — не толькі перад рэжымам, але і перад любым ціскам і дыскрымінацыяй”, — заявіла палітык.

Падчас сняданку жанчыны абменьваліся досведам і вялі нефармальныя размовы. А яшчэ — абмеркавалі ролю і аб'яднанне жанчын у палітыцы і актывізме, важнасць фемінізму для дэмсілаў, а таксама шляхі ўключэння ўдзельніц у ініцыятывы і сумесную працу па фарміраванні будучай палітыкі Беларусі.

У сняданку ўзялі ўдзел Роза Турарбекава, Марына Ментусава, Аліса Рыжычэнка, Наталля Дуліна і іншыя.