Сілавікі прыйшлі да маці вядомага беларускага падарожніка

У Салігорску сілавікі прыйшлі да маці беларускага вандроўніка, які здзейсніў падарожжа вакол свету.

Пра гэта Аляксандр Гойшык сам напісаў на сваёй старонцы на Facebook:

"Пыталіся, калі прыеду, явіцца з павіннай — усё вот эта вот. Як сказалі маме, я экстрэміст таму, што некалі намаляваў у этых вашых інтэрнэтах аднаго сіпатага самазванца з, увага, ЧЫРВОНЫМІ ЗУБАМІ! Хоба, цяпер лаві пяцёрачку ў плечы, мастак!" — саркастычна апісвае ён сітуацыю.

Блогер Аляксандр Гойшык тры гады падарожнічаў вакол свету, наведаўшы 51 краіну. Дзённік свайго падарожжа ён вёў у сацсетках, апісваючы краіны і сітуацыі, у якія трапіў.