Савет па правах чалавека пры прэзідэнце Расіі абмяркоўвае Беларусь
У Маскве прайшло паседжанне Савета па развіцці грамадзянскай супольнасці і правах чалавека пры прэзідэнце Расіі.
На ім прысутнічаў і праваабаронца Андрэй Юраў, кіраўнік Міжнароднай назіральнай місіі Камітэта міжнароднага кантролю за сітуацыяй з правамі чалавека ў Беларусі. Нагадаем, што праваабаронцу затрымалі ў Мінску і змусілі пакінуць краіну 18 сакавіка.
На паседжанні абмяркоўвалася беларуская сітуацыя. У прыватнасці, Савет пры расійскім прэзідэнце плануе стварыць групу па сітуацыі з правамі чалавека ў Беларусі і Расіі.
Таксама Савет хоча распрацаваць заканадаўчыя меры, каб расійскія адвакаты маглі працаваць у Беларусі, а беларускія — у Расіі. Акрамя таго, на паседжанні спрабавалі высветліць сітуацыю са спісамі "неўязных" расійскіх грамадзян, якія не здзейснілі на тэрыторыі Беларусі крымінальных злачынстваў або адміністрацыйных правапарушэнняў, паведамляе сайт "Вясна".
