Як будуецца новая "рэзідэнцыя" Лукашэнкі (фота)
На праспекце Пераможцаў у сталіцы поўным ходам ідзе чарговая "будоўля стагоддзя".
Як адзначае "Салідарнасць", у будучым гэты вялізны будынак можа стаць новай рэзідэнцыяй кіраўніка дзяржавы.
"Адміністрацыйны будынак" узводзіцца з лета 2011-га. На сённяшні дзень пабудаваныя тры паверхі, калі не лічыць падземны. Уваход на тэрыторыю здзяйсняецца па прапусках праз кантрольна-прапускныя пункты, дзе дзяжураць міліцыянты.
Дарэчы, на аб'екце працуюць будаўнікі з усёй Беларусі. Сярэдні заробак рабочага там складае каля 7 мільёнаў рублёў.
Фота — gazetaby.com
