Вяскоўцаў і сірот могуць пазбавіць ільготаў пры паступленні ў ВНУ
"Льготаў на мазгі і на талент не мусіць быць”, заявіў старшыня Савета рэспублікі і дзяржкамісіі па кантролю за правядзеннем уступнай кампаніі Анатоль Рубінаў.
Вось як ён абгрунтаваў гэта на прэс-канферэнцыі ў Мінску:
“На спецыяльнасць “Паліталогія” на бюджэт быў залічаны абітурыент, які набраў 112 балаў. А той, які набраў 337 не прайшоў. Тут трэба нешта мяняць. Дапамагаць трэба матэрыяльна, а льготаў на мазгі і на талант не мусіць быць”.
Рубінаў рэкамендаваў Міністэрству адукацыі прыраўняць умовы паступлення для абітурыентаў з вёсак і гарадоў. Маўляў, там узровень адукацыі аднолькавы.
