У Нью-Ёрку прайшла буйная акцыя пратэсту на Бруклінскім мосце
Болей за 700 чалавек, якія спрабавалі перакрыць дарожны рух, былі затрыманыя паліцыяй.
Яны пратэставалі супраць уплывовых фінансавых інстытутаў ЗША, якія, на думку ўдзельнікаў акцыі, прывялі краіну да эканамічнага крызісу. У выніку акцыі рух на Бруклінскім мосце спыніўся на некалькі гадзінаў.
Большасці затрыманых выпісалі судовыя паведамленні і позвы і адпусцілі. Іх будуць судзіць за тое, што не выканалі патрабаванні паліцыі. У час акцыі іх шмат разоў заклікалі заставацца ў пешаходнай зоне і не выходзіць на праезную частку.
Падобная дэманстрацыя адбылася ў Бостане, там затрымалі 24 чалавекі, перадае РИА Новости.
