У Беларусь прыязджае гендырэктар МАГАТЭ
Юкія Амана наведае нашу краіну з працоўным візітам 2-3 красавіка.
Паводле інфармацыі РІА "Новости", у Амана запланаваныя сустрэчы ва ўрадзе Беларусі, у міністэрствах па надзвычайных сітуацыях і замежных справаў. Візіт адбываецца напярэдадні чарговых угодкаў Чарнобыльскай катастрофы.
Мяркуецца, што гендырэктар МАГАТЭ наведае інстытут перападрыхтоўкі і павышэння кваліфікацыі МНС, курсы МАГАТЭ па аператыўным рэагаванні на ядзерныя і радыяцыйныя аварыі.
У праграме візіту ёсць і наведванне дзіцячага рэабілітацыйна-аздараўленчага цэнтра "Ждановічы", дзе аздараўляюцца дзеці з рэгіёнаў, пацярпелых ад Чарнобыльскай катастрофы.
Фота — EPA
