Тэрмін расследавання па справе Яўгена Полудня працягнуты да 8 кастрычніка
Былы намеснік міністра ўнутраных спраў, начальнік міліцыі грамадскай бяспекі знаходзіцца за кратамі ўжо 8 месяцаў.
Нагадаем, першая справа супраць былога намесніка міністра была распачатая ў снежні мінулага года па факце перавышэння ўлады ці службовых паўнамоцтваў. Ён быў звольнены з пасады і з міліцыі.
У лютым сёлета стала вядома, што была распачатая яшчэ адна крымінальная справа. Падчас расследавання было высветлена, што Яўген Полудзень "сістэматычна працяглы час атрымліваў ад службовых асобаў органаў унутраных спраў матэрыяльныя каштоўнасці і грашовыя сродкі". БелаПАН адзначае, што абедзьве справы аб'яднаныя ў адну вытворчасць.
Фота — svaboda.org
