Сярод затрыманых у Гродне ёсць польскія журналісты
На Савецкай плошчы ў абласным цэнтры сёння затрымалі, паводле удакладненых звестак, болей за 10 чалавек.
Як паведаміў у жывым эфіры праваабаронца і журналіст Уладзімір Хільмановіч, затрыманыя некалькі карэспандэнтаў, у тым ліку польскіх СМІ. Паводле словаў Уладзіміра Хільмановіча, затрымлівалі нават “за пахмурны выраз твару”. Па ўсёй верагоднасці іх павезлі ў Кастрычніцкі РАУС.
Дакладна вядома, што сярод затрыманых ёсць журналістка TOR.FM Агнешка Ліхнеровіч.
